tn-election-2026-voting-live-updates-star-voters-chennai
தமிழகத்தின் 234 தொகுதிகளுக்கான சட்டமன்றப் பொதுத்தேர்தல் இன்று காலை 7 மணிக்குத் தொடங்கி மாநிலம் முழுவதும் மிக விறுவிறுப்பாக நடைபெற்று வருகிறது. மதியம் 1 மணி நிலவரப்படி 56.81 சதவீத வாக்குகள் பதிவாகியுள்ள நிலையில், அரசியல் தலைவர்களும் திரை உலக ஜாம்பவான்களும் அதிகாலையிலேயே வாக்குச் சாவடிகளுக்கு வந்து தங்களது வாக்குகளைப் பதிவு செய்தனர்.
முதலமைச்சர் மு.க.ஸ்டாலின்:
சென்னை தேனாம்பேட்டையில் உள்ள SIET கல்லூரியில் தனது குடும்பத்தினருடன் வந்து வாக்களித்தார்.
எடப்பாடி பழனிசாமி:
எதிர்க்கட்சித் தலைவர் எடப்பாடி பழனிசாமி, சேலம் மாவட்டம் சிலுவம்பாளையத்தில் உள்ள தனது சொந்த ஊரில் குடும்பத்துடன் வரிசையில் நின்று வாக்களித்தார்.
துணை முதல்வர் உதயநிதி ஸ்டாலின்:
தனது குடும்பத்துடன் வந்து தேனாம்பேட்டையில் வாக்கினைப் பதிவு செய்தார்.
விஜய் (தவெக): தமிழக வெற்றிக் கழகத் தலைவர் விஜய், சென்னை நீலாங்கரையில் வாக்களித்தார். அவர் வருகையையொட்டி ஈசிஆர் (ECR) சாலையில் பல்லாயிரக்கணக்கான தொண்டர்கள் திரண்டதால் அந்தப் பகுதியே ஸ்தம்பித்தது.
சீமான் (நாதக):
நாம் தமிழர் கட்சி ஒருங்கிணைப்பாளர் சீமான் நீலாங்கரையில் வரிசையில் நின்று வாக்களித்துவிட்டு, “மாற்றத்திற்காக மக்கள் வாக்களிக்க வேண்டும்” எனக் கேட்டுக்கொண்டார்.
பிரேமலதா விஜயகாந்த்:
தேமுதிக பொதுச்செயலாளர் தான் போட்டியிடும் விருத்தாசலம் தொகுதியிலேயே தனது வாக்கைப் பதிவு செய்தார்.
சூப்பர்ஸ்டார் ரஜினிகாந்த்:
சென்னை ஸ்டெல்லா மேரிஸ் கல்லூரியில் தனது மகள் சௌந்தரியாவுடன் வந்து வாக்களித்தார்.
நடிகர் அஜித் குமார்:
பெல்ஜியத்திலிருந்து கார் பந்தயத்தை முடித்துவிட்டு நேற்றுத் திரும்பிய அஜித், திருவான்மியூரில் அதிகாலையிலேயே முதல் ஆளாக வந்து வாக்களித்தார்.
சூர்யா – ஜோதிகா:
தியாகராயர் நகரில் இந்த நட்சத்திர தம்பதியினர் வரிசையில் நின்று தங்களது ஜனநாயகக் கடமையை ஆற்றினர்.
விஜய் சேதுபதி:
கீழ்ப்பாக்கத்தில் வாக்களித்த அவர், “நல்ல மாற்றத்திற்காகச் சிந்தித்து வாக்களியுங்கள்” என வேண்டுகோள் விடுத்தார்.
பிற நட்சத்திரங்கள்:
நடிகை திரிஷா, சினேகா-பிரசன்னா தம்பதியினர், இயக்குநர் சுந்தர் சி மற்றும் குஷ்பு உள்ளிட்ட பலரும் காலையிலேயே வாக்களித்துவிட்டு விரலில் மை வைத்த புகைப்படங்களைப் பகிர்ந்து விழிப்புணர்வு ஏற்படுத்தினர்.
தேர்தல் கள நிலவரம்
தமிழகம் முழுவதும் 75,032 வாக்குச் சாவடிகளில் பலத்த போலீஸ் பாதுகாப்புடன் வாக்குப்பதிவு நடைபெற்று வருகிறது. இதுவரை பெரிய அளவிலான அசம்பாவிதங்களின்றி தேர்தல் அமைதியாக நடைபெற்று வருவதாகத் தேர்தல் ஆணையம் தெரிவித்துள்ளது. மாலை 6 மணி வரை வாக்குப்பதிவு நீடிக்கும் என்பதால், வெயிலையும் பொருட்படுத்தாமல் மக்கள் நீண்ட வரிசையில் காத்திருக்கின்றனர்.
