செங்கல்பட்டு இளைஞர்களுக்கு சூப்பர் வாய்ப்பு: CRPF-ல் பணியிடங்கள்!

மத்திய ரிசர்வ் போலீஸ் படை எனப்படும் CRPF-ல் (Central Reserve Police Force) கான்ஸ்டபிள் (Technical, Tradesmen & Pioneer) பணியிடங்களுக்கான மிகப்பெரிய வேலைவாய்ப்பு அறிவிப்பு வெளியாகியுள்ளது. மொத்தமாக 9,195 காலியிடங்கள் நிரப்பப்பட உள்ளதால், அரசு வேலைக்கு தயாராகும் இளைஞர்கள் மத்தியில் பெரும் வரவேற்பு ஏற்பட்டுள்ளது.

இந்த பணிகளுக்கு விண்ணப்பிக்க குறைந்தபட்ச கல்வித்தகுதியாக 10ஆம் வகுப்பு தேர்ச்சி பெற்றிருக்க வேண்டும். சில தொழில்நுட்ப பணிகளுக்கு தொடர்புடைய தொழிற்பயிற்சி அல்லது அனுபவம் தேவையாக இருக்கலாம் என அறிவிக்கப்பட்டுள்ளது. விண்ணப்பதாரர்களின் வயது பொதுவாக 18 முதல் 23 வயதுக்குள் இருக்க வேண்டும். அரசு விதிகளின்படி ஒதுக்கீட்டு பிரிவினருக்கு வயது தளர்வும் வழங்கப்படும்.

தேர்வு செய்யப்பட்டவர்களுக்கு மாதம் ரூ.21,700 முதல் ரூ.69,100 வரை சம்பளம் வழங்கப்படும். மேலும், மத்திய அரசு ஊழியர்களுக்கான பல்வேறு சலுகைகள், மருத்துவ வசதி, ஓய்வூதியம் உள்ளிட்ட நலன்களும் கிடைக்கும்.

விண்ணப்பதாரர்கள் எழுத்துத் தேர்வு, உடற்தகுதி தேர்வு, மருத்துவ பரிசோதனை மற்றும் ஆவண சரிபார்ப்பு ஆகிய கட்டங்களின் மூலம் தேர்வு செய்யப்படுவர். இந்தியாவின் பல்வேறு மாநிலங்களில் பணியமர்த்தப்பட வாய்ப்பு இருப்பதால், நாட்டிற்கு சேவை செய்ய விரும்பும் இளைஞர்களுக்கு இது ஒரு சிறந்த வாய்ப்பாக பார்க்கப்படுகிறது.

ஆர்வமுள்ளவர்கள் அதிகாரப்பூர்வ இணையதளமான www.rect.crpf.gov.in மூலம் ஆன்லைனில் விண்ணப்பிக்கலாம். விண்ணப்பிக்க இன்று கடைசி நாள் என்பதால், தகுதியுள்ளவர்கள் உடனடியாக விண்ணப்பிக்குமாறு அறிவுறுத்தப்பட்டுள்ளது.