செங்கல்பட்டு மாவட்டம் பகுதியில் வெற்றி பெற்ற சட்டமன்ற உறுப்பினர்கள் இன்று நடைபெற்ற முதல் கூட்டத் தொடரில் முறைப்படி உறுதிமொழியேற்று பதவியேற்றனர். தவெக தலைமையிலான புதிய அரசியல் அமைப்பில் நடைபெற்ற இந்த பதவியேற்பு விழா அரசியல் வட்டாரங்களில் கவனத்தை ஈர்த்துள்ளது.
சோழிங்கநல்லூர் தொகுதியில் இருந்து ECR சரவணன் (தவெக), பல்லாவரத்தில் காமாட்சி (தவெக), தாம்பரத்தில் டி. சரத்குமார் (தவெக), செங்கல்பட்டில் தியாகராஜன் (தவெக), திருப்போரூரில் விஜயராஜ் (தவெக) ஆகியோர் எம்.எல்.ஏக்களாக பதவியேற்றனர். அதேபோல், செய்யூர் (தனி) தொகுதியில் இருந்து ராஜசேகர் (அதிமுக) மற்றும் மதுராந்தகம் (தனி) தொகுதியில் இருந்து மரகதம் குமரவேல் (அதிமுக) ஆகியோரும் சட்டமன்ற உறுப்பினர்களாக உறுதிமொழி எடுத்துக் கொண்டனர்.
இந்த பதவியேற்பு நிகழ்வின் மூலம் செங்கல்பட்டு மாவட்டத்தில் புதிய அரசியல் சமநிலை உருவாகியுள்ளது. குறிப்பாக, பல தொகுதிகளில் தவெக வேட்பாளர்கள் வெற்றி பெற்று சட்டமன்றத்தில் காலடி எடுத்து வைத்திருப்பது முக்கிய மாற்றமாக பார்க்கப்படுகிறது.
பதவியேற்பு நிகழ்ச்சியில் கட்சி நிர்வாகிகள், ஆதரவாளர்கள் மற்றும் கூட்டணி தலைவர்கள் பலரும் கலந்து கொண்டனர். புதிய எம்.எல்.ஏக்கள் மக்கள் நலன், அடிப்படை வசதிகள், வேலைவாய்ப்பு, சாலை மற்றும் குடிநீர் திட்டங்கள் போன்ற பிரச்சினைகளுக்கு முன்னுரிமை அளிப்போம் என உறுதியளித்தனர்.
செங்கல்பட்டு மாவட்டத்தில் இந்த அரசியல் மாற்றம், வரவிருக்கும் உள்ளாட்சி மற்றும் நாடாளுமன்ற தேர்தல்களிலும் தாக்கத்தை ஏற்படுத்தும் என அரசியல் ஆய்வாளர்கள் கருத்து தெரிவித்து வருகின்றனர்.
