செங்கல்பட்டு உள்ளிட்ட பகுதிகளில் கல்லூரியில் சேர விரும்பும் மாணவர்களுக்கு மகிழ்ச்சி செய்தி வெளியாகியுள்ளது. Life Insurance Corporation of India (LIC) வழங்கும் ‘Golden Jubilee Scholarship’ திட்டத்தின் மூலம் தகுதியான மாணவர்கள் ஆண்டுக்கு ரூ.40,000 வரை உதவித்தொகை பெற முடியும்.
இந்த திட்டம், பொருளாதார ரீதியாக பின்தங்கிய மாணவர்கள் உயர்கல்வி தொடர உதவும் வகையில் உருவாக்கப்பட்டுள்ளது. 10ஆம் வகுப்பு அல்லது +2 தேர்வில் குறைந்தது 60 சதவீத மதிப்பெண்கள் பெற்ற மாணவர்கள் இந்த உதவித்தொகைக்குத் தகுதி பெறுகின்றனர். மருத்துவம், பொறியியல், பட்டப்படிப்பு, டிப்ளமோ உள்ளிட்ட பல்வேறு கல்வி பிரிவுகளுக்கு இந்த உதவி வழங்கப்படுகிறது.
மாணவர்கள் தங்கள் கல்வியைத் தொடர நிதி உதவி தேவைப்பட்டால், இந்த வாய்ப்பை பயன்படுத்திக் கொள்ளலாம் என அதிகாரிகள் தெரிவித்துள்ளனர். விண்ணப்பிக்கும் முன் தகுதிகள் மற்றும் விதிமுறைகளை கவனமாகப் படித்து, தேவையான ஆவணங்களுடன் ஆன்லைனில் விண்ணப்பிக்க அறிவுறுத்தப்பட்டுள்ளது.
இந்தத் திட்டம் பல மாணவர்களின் கல்வி கனவுகளை நனவாக்கும் முக்கிய வாய்ப்பாக பார்க்கப்படுகிறது.
