பொள்ளாச்சி பகுதியில் இருந்து இளநீர் வரத்து குறைந்துள்ளதால், செங்கல்பட்டு அருகிலுள்ள பரனூர் சுங்கச்சாவடி பகுதியில் இளநீர் விலை கடுமையாக உயர்ந்துள்ளது. பொதுவாக 40 முதல் 50 ரூபாய்க்கு விற்கப்பட்டு வந்த இளநீர், தற்போது 70 முதல் 80 ரூபாய் வரை விற்கப்படுகிறது. கோடை வெப்பம் அதிகரித்து வரும் நிலையில், உடல் வெப்பத்தை குறைக்க பொதுமக்கள் அதிகமாக இளநீர் பயன்படுத்தி வருகின்றனர். இதனால் தேவை அதிகரித்துள்ளதுடன், வரத்து குறைவும் விலை உயர்வுக்கு முக்கிய காரணமாக கூறப்படுகிறது.
விற்பனையாளர்கள் கூறுவதாவது, பொள்ளாச்சியில் இருந்து சரக்குகள் குறைவாக வருவதால், கிடைக்கும் அளவு குறைந்து விட்டது. இதனால் மொத்த விலையே அதிகரித்து, சில்லறை விற்பனையிலும் அதன் தாக்கம் தெரிகிறது. விலை உயர்வு காரணமாக பயணிகள் மற்றும் உள்ளூர் மக்கள் சிரமத்திற்கு உள்ளாகியுள்ளனர்.
பொதுமக்கள் கூறுவதாவது, கோடை காலத்தில் இளநீர் ஒரு அத்தியாவசிய பானமாக இருப்பதால், விலை கட்டுப்படுத்த அரசு நடவடிக்கை எடுக்க வேண்டும் என கோரிக்கை விடுத்துள்ளனர். இளநீர் விலை உயர்வு தொடர்ந்து நீடித்தால், சாதாரண மக்களுக்கு அது ஒரு சுமையாக மாறும் எனவும் அவர்கள் தெரிவித்துள்ளனர்.
ஒ
