எதிர்பாராத அவசர சூழ்நிலைகளில் உடனடி உதவி பெற சரியான தொலைபேசி எண்கள் மிகவும் அவசியமானவை. பொதுமக்கள் தங்களது மொபைலில் சில முக்கிய ஹெல்ப்லைன் எண்களை சேமித்து வைத்திருக்க வேண்டும் என அதிகாரிகள் அறிவுறுத்துகின்றனர்.
மனித உரிமைகள் தொடர்பான புகார்களுக்கு 044-22410377 என்ற எண்ணை தொடர்பு கொள்ளலாம். அரசு பேருந்து சேவைகள் குறித்த புகார்களுக்கு 1800 599 1500 என்ற இலவச எண்ணை பயன்படுத்தலாம். ஊழல் குறித்த தகவல்களை தெரிவிக்க 044-22321090 என்ற எண்ணில் புகார் அளிக்கலாம்.
குழந்தைகளுக்கான அவசர உதவி சேவையாக 1098 என்ற ஹெல்ப்லைன் செயல்படுகிறது. முதியோருக்கான அவசர உதவிக்கு 1253 என்ற எண்ணை தொடர்பு கொள்ளலாம். தேசிய நெடுஞ்சாலைகளில் பயணம் செய்யும் போது அவசர உதவி தேவைப்பட்டால் 1033 என்ற எண்ணை அழைக்கலாம்.
பெண்கள் பாதுகாப்பிற்காக 181 மற்றும் 1091 என்ற எண்கள் 24 மணி நேரமும் செயல்படுகின்றன. இவ்வாறான ஹெல்ப்லைன் எண்கள் உடனடி உதவியை வழங்கும் முக்கிய கருவிகளாகும்.
இப்போது தேவையில்லாமல் தோன்றினாலும், அவசர சூழ்நிலையில் இந்த எண்கள் மிகவும் பயனுள்ளதாக இருக்கும். ஆகவே, இந்த எண்களை உடனே உங்கள் மொபைலில் சேமித்து, நண்பர்கள் மற்றும் குடும்பத்தினருடனும் பகிர்ந்து பாதுகாப்பை உறுதி செய்யுங்கள்.
