செங்கல்பட்டு மாவட்டத்தில் உள்ள சட்டமன்றத் தொகுதிகளில் போலீசார் மற்றும் அரசு ஊழியர்கள் தங்களது தபால் வாக்குகளை பதிவு செய்தனர்.
பொதுவாக தேர்தல் நாளன்று பொதுமக்கள் வாக்களிக்கும் நாளில் அத்தியாவசியப் பணியில் ஈடுபட்டுள்ள அரசு ஊழியர்கள், பத்திரிகையாளர்கள், போலீசார், தீயணைப்பு வீரர்கள் மூத்த குடிமக்கள் ஆகியோர் வாக்களிக்க இயலாது. இந்தியாவை பொறுத்தவரை அனைத்து தரப்பு மக்களும் தங்களுடைய ஜனநாயக கடமை ஆற்ற வேண்டும் என அனைவரும் விரும்புவர். 100 சதவீத வாக்களிக்க வேண்டும் என்பதை விழிப்புணர்வில் மட்டுமே நிறுத்திக்கொள்ளாமல் அதை செயல்படுத்தவும் அரசு நடவடிக்கை எடுத்து வருகிறது.
அனைவரும் நேரடியாக வாக்குச்சாவடிக்கு சென்று வாக்களிக்க முடியாது என்பதால் சிலர் தங்களது பணிப்புரைகள், உடல்நிலை அல்லது சேவை காரணங்களால் வாக்குச்சாவடியில் நேரில் செல்ல இயலாத சூழ்நிலையில் இருப்பார்கள். இப்படிப்பட்டவர்களுக்கு வழங்கப்படும் சிறப்பு வசதிதான் “தபால் வாக்கு” (Postal Ballot).
தபால் வாக்கு செலுத்தும் உரிமை முதன்மையாக அரசு சேவையில் உள்ள சில பிரிவினருக்கு வழங்கப்பட்டுள்ளது. குறிப்பாக, பாதுகாப்பு படையினர் (Army, Navy, Air Force), மத்திய ஆயுதப்படைகள் (CRPF, BSF போன்றவை), மற்றும் மாநிலத்திற்கு வெளியே பணியாற்றும் அரசு ஊழியர்கள் இதன் கீழ் வருகிறார்கள். இவர்கள் பணியில் இருப்பதால் தங்களது சொந்த தொகுதியில் நேரில் வாக்களிக்க முடியாது.
மேலும், தேர்தல் பணியில் ஈடுபடும் அதிகாரிகள் மற்றும் ஊழியர்களும், செய்தியாளர்களும் தபால் வாக்கு செலுத்த அனுமதிக்கப்படுகிறார்கள். வாக்குப்பதிவு நாளில் அவர்கள் வேறு பகுதிகளில் பணியாற்ற வேண்டியிருப்பதால், அவர்களுக்கும் இந்த வசதி வழங்கப்படுகிறது.
மூத்த குடிமக்கள் (80 வயதுக்கு மேற்பட்டோர்) மற்றும் மாற்றுத் திறனாளிகளும் தபால் வாக்கு முறையை பயன்படுத்தலாம். உடல்நிலை காரணமாக வாக்குச்சாவடிக்கு வர இயலாதவர்களுக்கு இது பெரிய உதவியாக உள்ளது. கூடுதலாக, அவசர மருத்துவ சேவையில் உள்ளவர்கள் அல்லது COVID போன்ற தொற்று நோயால் பாதிக்கப்பட்டவர்களுக்கும் தபால் வாக்கு வசதி வழங்கப்பட்ட அனுபவமும் உள்ளது.
இந்த முறையில், வாக்காளர்கள் தங்களுக்கு வழங்கப்பட்ட வாக்குச் சீட்டில் தங்கள் விருப்பமான வேட்பாளருக்கு வாக்களித்து, அதை பாதுகாப்பாக தபால் மூலம் தேர்தல் அதிகாரிகளுக்கு அனுப்ப வேண்டும். இந்த செயல்முறை முழுவதும் ரகசியத்தன்மையுடன் மற்றும் சட்ட விதிமுறைகளின் கீழ் நடைபெறுகிறது. இதனால், எந்த சூழ்நிலையிலும் வாக்களிக்கும் உரிமை அனைவருக்கும் கிடைக்க வேண்டும் என்ற ஜனநாயகத்தின் அடிப்படை நோக்கம் நிறைவேறுகிறது.
அதன் அடிப்படையில் செங்கல்பட்டு மாவட்டத்தில் உள்ள சட்டமன்றத் தொகுதிகளில் போலீசார் மற்றும் அரசு ஊழியர்கள் தங்களது தபால் வாக்குகளை பதிவு செய்தனர். திருப்போரில் மட்டும் 186 போலீசார் தபால் வாக்குகளை பதிவு செய்தனர். செங்கல்பட்டு மாவட்டத்தில் செங்கல்பட்டு, தாம்பரம், பல்லாவரம், மதுராந்தகம், செய்யூர், சோழிங்கநல்லூர், திருப்போரூர் என 7 சட்டமன்றத் தொகுதிகள் உள்ளன.
