2026 தமிழக சட்டமன்றத் தேர்தலில் தமிழக வெற்றிக் கழகம் (TVK) முன்னிலை பெற்று வரலாற்றுச் சாதனை படைத்துள்ள நிலையில், கட்சித் தலைவர் விஜய் அவர்களை நடிகை த்ரிஷா நேரில் சந்தித்து வாழ்த்து தெரிவித்தது கவனத்தை ஈர்த்துள்ளது.
தமிழகம் முழுவதும் வாக்கு எண்ணிக்கை விறுவிறுப்பாக நடைபெற்று வரும் நிலையில், தனது முதல் அரசியல் பயணத்திலேயே TVK 100-க்கும் மேற்பட்ட தொகுதிகளில் முன்னிலை பெற்றுள்ளது. தற்போதைய நிலவரப்படி 106 தொகுதிகளில் முன்னிலை வகிப்பது அரசியல் வட்டாரங்களில் பெரும் அதிர்வை ஏற்படுத்தியுள்ளது.
இந்நிலையில், மே 4-ம் தேதி தனது 43-வது பிறந்தநாளை கொண்டாடும் த்ரிஷா, காலை திருப்பதி திருமலை கோயிலில் தரிசனம் செய்த பின்னர், சென்னை நீலாங்கரையில் உள்ள விஜய்யின் இல்லத்திற்கு நேரடியாக வந்தார். வெள்ளை நிற காரில் அவர் வருகை தந்த காட்சிகள் சமூக வலைதளங்களில் வேகமாக பரவி வருகின்றன.
விஜய்யை சந்தித்த த்ரிஷா, அவருக்கு தேர்தல் முன்னிலை குறித்து வாழ்த்துகள் தெரிவித்தார். பிங்க் நிற உடையில் புன்னகையுடன் வந்த அவர், ஊடகங்களின் கவனத்தை ஈர்த்தார். விஜய்யின் இல்லம் ரசிகர்கள் மற்றும் ஊடகங்களால் நிரம்பி, விழாக்கோலம் பூண்டிருந்தது.
TVK-வின் இந்த முன்னேற்றம் விஜய் ரசிகர்களிடையே உற்சாகத்தை ஏற்படுத்தியுள்ளது. இதே நேரத்தில், த்ரிஷா-விஜய் சந்திப்பு சமூக வலைதளங்களில் மீண்டும் பல்வேறு விவாதங்களுக்கு வழிவகுத்துள்ளது.
