சர்வதேச பொருளாதார சூழ்நிலைகள், அமெரிக்க டாலரின் மதிப்பு மாற்றம், வட்டி விகித ஏற்றத்தாழ்வுகள் மற்றும் உலக அரசியல் பதற்றங்கள் உள்ளிட்ட பல்வேறு காரணிகளின் அடிப்படையில் தங்கம் மற்றும் வெள்ளி விலைகள் தினந்தோறும் மாற்றமடைந்து வருகின்றன.
Chennai நகரில் இன்று (மே 15, வெள்ளிக்கிழமை) தங்கம் மற்றும் வெள்ளி விலையில் சரிவு பதிவாகியுள்ளது. கடந்த சில நாட்களாக ஏற்ற இறக்கத்துடன் விற்பனையாகி வந்த தங்கம் விலை, நேற்று உயர்ந்த நிலையில் இருந்தது.
நேற்று சென்னையில் ஒரு கிராம் தங்கம் ரூ.15,050-க்கு விற்பனையானது. அதேபோல் ஒரு சவரன் தங்கம் ரூ.1,20,400-க்கு விற்பனை செய்யப்பட்டது. இந்நிலையில் இன்று தங்கம் விலை கிராமுக்கு ரூ.100 குறைந்துள்ளது.
அதன்படி, இன்று ஒரு கிராம் தங்கம் ரூ.14,950-க்கும், ஒரு சவரன் தங்கம் ரூ.800 குறைந்து ரூ.1,19,600-க்கும் விற்பனை செய்யப்படுகிறது. தங்கம் விலை குறைந்துள்ளதால் நகை வாங்க திட்டமிட்டுள்ள பொதுமக்கள் மற்றும் முதலீட்டாளர்கள் மத்தியில் கவனம் ஈர்க்கப்பட்டுள்ளது.
மேலும் வெள்ளி விலையும் இன்று சரிவை சந்தித்துள்ளது. நேற்று ஒரு கிராம் வெள்ளி ரூ.315-க்கு விற்பனையான நிலையில், இன்று ரூ.10 குறைந்து ஒரு கிராம் வெள்ளி ரூ.305-க்கு விற்பனையாகிறது. இதன்படி ஒரு கிலோ வெள்ளி ரூ.3,05,000-க்கு விற்பனை செய்யப்படுகிறது.
சர்வதேச சந்தை நிலவரம் மற்றும் அமெரிக்க டாலரின் மாற்றங்கள் காரணமாக அடுத்த சில நாட்களிலும் தங்கம், வெள்ளி விலையில் மாற்றம் ஏற்படும் வாய்ப்பு இருப்பதாக வியாபாரிகள் தெரிவித்துள்ளனர்.
