செங்கல்பட்டு தொகுதியில் தவெக சார்பில் போட்டியிட்ட தியாகராஜன் வெற்றி பெற்றார். தாம்பரத்தில் சரத் (தவெக) மற்றும் திருப்போரூரில் விஜயராஜ் (தவெக) ஆகியோரும் வெற்றியை கைப்பற்றினர். அதேபோல், பல்லாவரத்தில் தவெக சார்பில் காமாட்சி வெற்றி பெற்றார். செய்யூரில் ராஜசேகர் (அதிமுக) மற்றும் மதுராந்தகத்தில் மரகதம் குமரவேல் (அதிமுக) வெற்றி பெற்றுள்ளனர். மேலும், சோழிங்கநல்லூரில் சரவணன் (தவெக) வெற்றி பெற்றது குறிப்பிடத்தக்கது.
செங்கல்பட்டு மாவட்டத்தில் நடைபெற்ற சமீபத்திய சட்டமன்ற தேர்தல் முடிவுகள் அரசியல் வட்டாரங்களில் பெரும் அதிர்ச்சியை ஏற்படுத்தியுள்ளன. கடந்த 2021 தேர்தலில் பெரும்பான்மையான தொகுதிகளில் வெற்றி பெற்ற திமுக, இம்முறை முழுமையாக பின்னடைவை சந்தித்துள்ளது. குறிப்பாக, மாவட்டத்தின் 7 முக்கிய தொகுதிகளிலும் திமுக வேட்பாளர்கள் தோல்வியடைந்துள்ளனர்.
இந்த தேர்தல் முடிவுகள் திமுகக்கு கடும் பின்னடைவை ஏற்படுத்தியுள்ளதுடன், மாவட்டத்தில் அரசியல் மாற்றத்தின் தொடக்கமாகவும் பார்க்கப்படுகிறது. வாக்காளர்கள் மாற்றத்தை விரும்பியதற்கான தெளிவான அறிகுறியாக இந்த முடிவுகள் கருதப்படுகின்றன. கடந்த முறை ஒரு தொகுதியில் மட்டுமே தோல்வியடைந்த திமுக, இம்முறை முழுமையாக வீழ்ச்சி கண்டுள்ளது அரசியல் விமர்சகர்களிடையே பரபரப்பை ஏற்படுத்தியுள்ளது.
