மு.க. ஸ்டாலின் தலைமையிலான திராவிட முன்னேற்ற கழகம் மீண்டும் எழுச்சி பெற்று மக்கள் மத்தியில் வலுவாக நிற்கும் என அவர் தெரிவித்துள்ளார். தேர்தல் தோல்விக்கு பின்னர் கட்சியினரிடம் பேசிய அவர், “தோல்வி நேரத்தில் பீனிக்ஸ் பறவை போல திமுக மீண்டும் எழும்” என்று உறுதியுடன் கூறினார்.
மேலும், “யாரும் சோகமாக இருக்க வேண்டிய அவசியமில்லை. திராவிட மாடல் அரசின் திட்டங்கள் மக்கள் மத்தியில் இன்னும் வாழ்ந்து கொண்டிருக்கின்றன. தமிழ்நாட்டை ஆள்வது திராவிட மாடல் சிந்தனையே” என்றும் அவர் தெரிவித்தார்.
அனைத்து தரப்பு மக்களுக்கும் பல்வேறு நலத்திட்டங்களை செயல்படுத்தியது திமுக ஆட்சிதான் என்றும், மக்கள் நலனை மையமாகக் கொண்டு அரசு செயல்பட்டதாகவும் ஸ்டாலின் கூறினார். தேர்தல் பிரச்சாரத்தில் எதிரணிகள் குழந்தைகள் மற்றும் சமூக வலைதளங்களை பயன்படுத்தி மக்களிடம் தாக்கத்தை ஏற்படுத்தியதாகவும் அவர் குறிப்பிட்டார்.
“நாம் பல பணிகளை செய்து தேர்தலை சந்தித்தோம். ஆனால் எந்த பணியும் செய்யாமல் எதிரணிகள் வெற்றி பெற்றுள்ளனர். இருந்தாலும் மக்கள் நலனுக்காக தொடர்ந்து உழைப்போம்” என்று கட்சியினருக்கு அவர் உற்சாகம் அளித்தார்.
மேலும், திமுக வெற்றி மற்றும் தோல்விகளை சமமாக கருதி செயல்படும் இயக்கம் என்றும், பல தடைகளை கடந்து மக்கள் ஆதரவுடன் வளர்ந்த கட்சி என்றும் அவர் தெரிவித்தார்.
கட்சியின் அடுத்த கட்ட பணிகளில் தீவிரமாக ஈடுபட்டு, மக்கள் மத்தியில் மீண்டும் நம்பிக்கையை ஏற்படுத்த வேண்டும் என நிர்வாகிகள் மற்றும் தொண்டர்களுக்கு மு.க.ஸ்டாலின் அழைப்பு விடுத்தார்.
